गुरुवार, २३ नोव्हेंबर, २०१७

Vaastushastra & Marriage

 Vastu and Marriage

 वास्तुशास्त्रा प्रमाणे वातावरणात पंचमहाभुतांचे अस्तित्व हे मुक्त स्वरुपात असते. परंतु जेव्हा त्यांना चार भिंतीमध्ये बंदिस्त केले जाते त्या वेळेस त्यांचे आठ दिशांबरोबर संबंध प्रस्थापित होतात. चार मुख्य दिशा, चार उपदिशा या बरोबर आकाशाकडील दिशा म्हणजे अनंत ही नववी अधर म्हणजे भूमी ही दहावी दिशा. अशा दहा दिशांचा विचार वास्तुशास्त्रात केला गेला आहे. वास्तुरचने नुसार दिशांचा, पंचतत्त्वाचा, भूमीच्या उर्जेचा परिणाम वास्तुत राहणार्‍या व्यक्तींवर होत असतो. वास्तुशास्त्राच्या मुळ ग्रंथामध्ये भूमी व भूमी ऊर्जा यांचा सर्वाधिक विचार केलेला असून प्रत्येक ग्रंथात एक तृतिअंश लेखन वास्तूसाठी भूमीची निवड कशी करायची यावरच आहे. भूमीची शुभता अशुभता भूमीतून प्रस्फुटीत होणार्‍या ऊर्जेवर अवलंबुन असते. भूमीच्या ऊर्जेचा दुरगामी परिणाम मनुष्य जीवनावर झाल्याचे दिसून येते. भूमी बरोबरच अष्टदिशा (काही ग्रंथाप्रमाणे सोळा दिशा), पंचतत्त्व या ऊर्जेचा परिणाम हा त्या वास्तुत राहणार्‍या व्यक्तीवर होतो. यास्तव मनुष्य ज्या वास्तुत राहतो त्या वास्तुतील ऊर्जेचे परिणाम त्याच्या विचारांवर प्रभाव टाकतात. विचारातून भावनांची निमिर्ती होते, भावनेतून कृती आणि कृतीतून परिणाम समोर येतात. अशाप्रकारे अप्रत्यक्षरित्या आपण राहत असलेली वास्तु आपल्या यशापयसास कारणीभूत ठरते.
वास्तुशास्त्रात जीवनातील प्रत्येक अंगाचा विचार केलेला असल्याने विवाह आणि त्यात वास्तु शास्त्रामुळे येणारे अडथळे याचा विचारही साहजिकच केला गेला. वास्तुशास्त्रानुसार योग्य वयात विवाह होण्यासाठी वास्तुतील चारही उपदिशा व उत्तर दिशा दोष विरहीत असणे जरुरी आहे. जन्म कुंडली प्रमाणे योग्य वयात विवाह योग दर्शवलेला असूनही वास्तुमुळे विवाह ठरण्यास अडथळे येत असेल तर, वास्तुतील ईशान्य, अग्नेय, नैऋत्य, वायव्य व उत्तर दिशांमधील दोष कारणीभूत ठरतात. या पाचही दिशाच्या गुणधर्मांचा व कारकत्वाचा सविस्तर विचार करणे गरजेचे आहे.
ईशान्य-पंचतत्वा मधील जल तत्वाची येथे अधिकता येत असल्याने स्वच्छता, विचारांमध्ये स्पष्टता, नविन कल्पना देणारी, मनाला ग्रहणशील अवस्थेत घेऊन जाणारी आणि जीवनाबद्दल मोठा दृष्टिकोन देणारी ही दिशा आहे. ईश्वराचे अधिष्ठाण याच दिशेला असते. या दिशेतील दोष हा जीवनाबद्दल संकुचित विचार व असुरक्षितता निर्माण करतो. प्रत्येक संधीला अडथळा समजून पुढे जाण्याची भिती वाटायला लागते. यातून दैनदीन गरजेच्या गोष्टी जमवण्यास लक्ष केंद्रीत करण्यास भाग पाडते, त्यामुळे विवाहाचा विचारच केला जात नाही आणि इतरांनी आग्रह केल्यास पुढे जाण्यास भिती वाटते. विचार स्पष्ट नसल्याने जोडीदाराकडून काय अपेक्षा आहे यामध्येच गोधळ असल्याने कुठल्याही त्रुटी शोधल्या जातात. साधारतणत: या दिशेत असलेली अस्वच्छता, शौचालय, अडगळ किंवा अवजड सामान, उंच टेकडी, उंच बांधकाम, कचराकुंडी असल्यास या दिशेत दोष निर्माण होतो.
अग्नेय- विवाह व वैवाहीक सौख्य यावर अधिपत्य गाजवणार्‍या शुक्राची ही दिशा आहे. अग्नी सुरक्षिततेचे प्रतीक असून जीवनात जोश व उत्साह यांचे प्रतिनिधीत्त्व करते. अग्नी उर्जा रुपांतरीत करुन मार्गक्रमित होत असल्याने ज्या ठिकाणी आकर्षण असते तिथे अग्नी तत्व असते. समाजामध्ये यश व विशिष्ट ओळख निर्माण करणारी ही दिशा असून आत्मविश्वास देण्याचे कार्य करीत असल्याने या दिशेतील दोष हा घरातील व्यक्तीना विनाकरण अपयश देतो. स्वत:ची ओळख निर्माण होत नाही. प्रचंड अडचणींना सामोरे जावे लागते. आत्मविश्वास कमी होऊन जीवन भयग्रस्त होते. अग्नेय दिशेतील मोठी वाढ ही स्वत: बद्दल मोठ्या प्रमाणावर अहंकार निर्माण करते. समाजातील स्थान, प्रतिष्ठा याला जास्त महत्व दिले जाते. शुक्र ग्रहाची दिशा बिघडल्यामुळे शुक्राच्या गुणधर्माणा ‘स्पार्क’ न मिळाल्याने भावी जोडीदारा प्रती आकर्षण निर्माण होत नाही. सौंदर्य व कामवासना या बाबतीत भ्रामक कल्पना बाळगल्याने नकार येतो अथवा दिला जातो. या दिशेस विहीर, तलाव, पाण्याची टाकी, खड्डा, उतार असल्यास तसेच ही दिशा कट झाल्यास किंवा मोठ्या प्रमाणावर वाढल्यास अग्येय दिशेत दोष निर्माण होतो.
नैऋत्य- वास्तुदेवता मंडळातील पितृ या देवतेचा स्थान असलेली ही दिशा. जीवनामध्ये वंश विस्ताराचे, विवाह सारखे मंगल कार्य घडऊन आणण्याची जबाबदारी पितृकडे असते. या बरोबर पृथ्वी तत्वाची ही दिशा आहे. धैर्य, संतुलन, खंबिरपणा, स्थिरता, विकसित व्यक्तीमत्त्व देण्याचे काम ही दिशा करते. नवीन नाते संबध निर्माण करण्याबरोबरच रक्ताच्या नात्यात घनिष्ठता निर्माण करणारी ही दिशा आहे. सफल आणि समृद्ध जीवनासाठी जे केले पाहीजे त्यासाठी लागणारे प्रयत्न करण्यास प्रोत्साहन देणारी ही दिशा आहे. यर दिशेतील दोष हा नविन नाते निर्माण होण्यासाठी पोषक वातावरणाला बाधक ठरतो. जुन्या नात्यांमध्ये दुरावा निर्माण करतो. जीवनाच्या प्रत्येक पैलूमध्ये अस्थिरता येते. घरातील लोकांमध्ये आळस, कंटाळा, शक्तीहीनता वाढते. परीवारत तणाव असल्याने नविन नाते जोडण्यास भिती वाटते. परिवाराकडून या दृष्टीने प्रयत्न केले जात नाही. नोकरी, व्यवसायात अस्थिरता असल्याने विवाहासाठी जोडीदार मिळण्यात अडचणी येतात.
नैऋत्य दिशेस खड्डा, विहीर, जमीनीखालील पाण्याची टाकी, सेप्टीक टँक इत्यादी असणे तसेच ही दिशा वाढलेली असणे अथवा कट झालेली असणे, नैऋत्य दिशेस उतार अथवा टेरेस, या पैकी काहीही असल्यास नैऋत्य दिशा बिघडून त्या दिशेत दोष उत्पन्न होतात.
वायव्य-मनाची चंचलता दर्शवणार्‍या चंद्र ग्रहाची तर कायम अस्थिर असलेल्या वायू तत्वाची ही दिशा आहे. प्रसिद्धी अथवा कुप्रसिद्धी पसरवणे हे या दिशेचे गुणधर्म आहेत. संतुलित वायुतत्त्व हे वृद्धीकारक आहे. याचा संबध गतीशी असल्याने सशक्त संबध प्रस्थापित करुन मोठ्या यशामध्ये परावर्तित करण्याचे कार्य यादिशे मार्फत होते. शरीर, मनाला आनंद देणार्‍या बाबींचा विचार याच दिशेवरुन केला जातो. ही दिशा संबंध निर्माण करणारी दिशा असल्याने, संपर्क वाढून नविन नाते जोडण्यासाठी फारच महत्वाची मानली जाते. समाजामध्ये असलेली पत हे या दिशेच्या शुभ-अशुभत्वावर अवलंबुन असते. विवहा ठरुन मोडणे यात याच दिशेच्या गुणधर्माचा अधिक वाटा असतो. तसेच या दिशेस असलेल्या वायू तत्त्वाच्या गुणधर्मानुसार येथे ठेवलेली कुठलीही वस्तू कायम स्वरुपी स्थिर राहत नाही. वास्तुशास्त्रा नुसार या दिशेस पाहुण्याची खोली किंवा विवाह योग्य मुलींची खोली ठेवण्यास सुचवले जाते. या दिशेतील दोष संपर्क प्रणाली कमकुवत करते, नविन नाते जोडण्यात अपयश येते, अपेक्षांची पूर्तता होत नाही. मन अस्थिर झाल्याने योग्य निर्णय घेता येत नाही. चुकीच्या व्यक्ती संपर्कात येऊन त्याचे पुढे विवाहात रुपांतर होऊ शकत नाही. प्रत्तेक स्थळाप्रती असमाधानी वृत्ती वाढल्याने गाडी पुढे सरकत नाही. वायव्य दिशा कट झाल्यास किंवा वाढल्यास, नैऋत्य दिशेपेक्षा उंच असल्यास, वायव्य दिशेस विहीर असल्यास किंवा टेरेस असल्यास या दिशेत दोष असतो. 
उत्तर दिशा- वास्तुशास्त्रानुसार धन कारक म्हणून या दिशेकडे पाहिले जाते. घरात पैसा कोणत्या मार्गाने येणार आहे,याचे उत्तर ही दिशा दर्शर्वित असते परंतु धना बरोबरच नवीन संधी निर्माण करण्याचे दायित्त्व उत्तर दिशेकडे आहे. उत्तर दिशा ऊर्जेची उगम दिशा असल्याने प्रत्येक प्रश्‍नावर उत्तर शोधण्यास मदतगार ठरते. या दिशेत दोष असल्यास चांगली संधी उपलब्ध होत नाही, त्यामुळे स्वत:ला सिद्ध करता येत नाही. अर्थातच योग्य स्थळ सांगून येत नाही, सर्व काही ठिक असून समोरुन प्रस्ताव येत नाही अथवा नाकारला जातो. काहीतरी कारण सांगून चालढकल केली जाते. दुसर्‍या ठिकाणी लग्न जुळल्याचा निरोप येतो. अशा रितीने सुयोग्य स्थळ हातचे निघून जाते. उत्तर दिशा बंद असणे, उत्तरेस टेकडी किंवा चढ अथवा शौचालय असणे किंवा सेप्टीक टँक असणे, उंच बांधकाम, स्वयंपाकगृह असणे इत्यादी रचना ही उत्तर दिशेत दोष निर्माण करतात.
अशा प्रकारे आपल्या वास्तुतील दोष अप्रत्यक्षपणे घरात मंगल कार्य घडवण्यास अडथळा निर्माण करु शकते. यासाठी योग्य वास्तुतज्ञाचा सल्ला घेऊन अडथळा दूर केल्यास घरात मंगलकार्य विनासायास पार पडते.
डॉ. अभय अगस्ते
संचालक , 
ज्योतिष-वास्तु सायन्स इन्स्टिट्युट ऍन्ड रिसर्च सेंटर

शनिवार, २ जुलै, २०१६

Importance of Astrology in life

        Importance of Astrology in life

         साधारण पणे चाळीस ते बेचाळीस वयाची एक व्यक्ती  ऑफिस मध्ये थोडीशी गोंधळलेल्या  स्थितीत माझ्या समोर येऊन बसली. सर आपली आत्ताची भेटण्याची वेळ ठरली होती इत्यादी ....
माझ्या समोर बसत असताना मी त्या व्यक्तीस न्याहाळत होतो. काहीतरी गंभीर प्रश्न असून समोरील व्यक्ती अडचणीत आहे हे चेहऱ्यावरून जाणवत होते
         मला जन्म टिपण दिल्यावर, मला नोकरी नाही, माझी नोकरी गेली आहे.माझ्यावर दोन मुले आणि पत्नी ह्यांची जबाबदारी आहे  आणि आता नोकरी सुद्धा मिळत नाहीये. नोकरी मिळण्यासाठी काय करू? का एखादा व्यवसाय सुरू करू? पण व्यवसाय साठी कोणतेही भांडवल माझ्याकडे नाही. आता काय करू?
त्याचे प्रश्न सुरू असताना मी त्याची जन्म कुंडली प्रिंट आउट काढून नोकरी व्यवसायाच्या अनुषंगाने अवलोकन सुरू केले.
         जन्म कुंडली व महादशा  ह्यांचा विचार करून मी माझी काही अनुमाने तयार केली. त्या दृष्टीनं जातकाला आतापर्यंत कोणत्या प्रकारच्या नोकऱ्या केल्या असे विचारले असता आत्ता पर्यंत मार्केटिंग मध्ये अनेक जॉब केले असून प्रत्येक जॉब मध्ये सिनियर्स व बॉस ह्यांच्या त्रासाला कंटाळून नोकरी सोडली किंवा कंपनी बंद पडल्यामुळे नोकरी गेली. असे सतत चालू आहे.  
        मार्केटिंग मध्ये काम करण्यासाठी आवश्यक घटकांची पूर्तता जन्म कुंडली दर्शवत नव्हती. म्हणजे आतापर्यंत निवडलेले कार्यक्षेत्रच चुकीचे होते हे लक्षात येते.
          असे अनेकांच्या बाबतीत घडत असते,दैनंदिन जीवनात लागणाऱ्या गरजां साठी काही ना काही तरी केले जाते, त्यातून उदरनिर्वाह होतो पण योग्य ती प्रगती मात्र होत नाही.कुठे तरी परिस्थितीमुळे म्हणा अथवा कोणत्याही कारणाने काही तरी निर्णय घेतले जातात, आणि आता मागे हटल्यास, आपले कसे होईल ह्या भीतीने तसेच पुढे जातात काही काळ नंतर चूक कळते पण काळ पुढे गेलेला असतो. असो ....
        जातकाच्या जन्म कुंडली चा विचार करून त्याला सर्व्हिस सेक्टर मधलाच एक व्यवसाय सुचवला ज्यासाठी भांडवलाची गरज नव्हती. मी सुचवलेल्या विषयात जातकाला आवड सुद्धा होती व हा व्यवसाय करावा असे अनेक वर्षा पासून त्याच्या मनात होते पण हिम्मत होत नव्हती.
         सोने जमिनीत सापडते म्हणून कुठेही खणले तर  सापडत नाही, परंतु भौगोलिक परिस्थितीचा अभ्यास करून विशिष्ट ठिकाणी खणल्यास सोने सापडण्याची शक्यता बळावते. अगदी तसेच आपले असते,योग्य दिशेने टाकलेले प्रत्येक पाऊल यशाच्या शिखरावर घेऊन जाते अन्यथा फक्त अंतर मागे टाकले  जात असते.
        कुंडलीच्या योग्य विश्लेषणा द्वारे त्याच्या यशाचा मार्ग त्याला सापडला होता. 
कोणत्याही प्रकारच्या ज्योतिष मार्गदर्शना साठी संपर्क
Dr. Abhay Agaste
+91 9922445272  or  Send query on  abhayagaste@gmail.com
 

Importance of Astrology in life

A near about 40-42 age person sit in front of me, with a little bit of confusion. Sir, I have booked today’s appointment. Yes I am expecting you I answered.
                While seating in front of me I was observing him. Something serious question he is having and person is in distress was evident from his face.
                After given his birth details, he starts to speak.  I have no job, I lost my job, two children and wife is my responsibility, and now not getting new job also.  What to do to get a job? Why not start a business? But I don’t have any capital for business. Now what to do?
                While his questions were going on, I prepared his horoscope and started to study in terms of service and business.  Considering his horoscope and vishottari dasha made some conjectures and in terms of that I asked what kind of job you did so far? He answered he has been in several marketing job. In each because of boss trouble l left the job or because of company fell off.  This is continuous going on.
                Factors necessary to work in marketing did not reflect in his horoscope. So far it appears that he ware selected wrong province of job. This happens with many people. Although people do something needed for Daly life is only useful to survive but not sufficient to give progress.
                Just because of the circumstances or when decisions are taken that for any reason, and if I go back now, how will be my life? Is the reason behind the stuck up with present condition. After some time they come to know how wrong they was, but time has passed. So on….
                Now come to this point, as per his horoscope I suggested him business in service sector. Which do not need any capital.  He was also interested in the same subject suggested by me, and from many years in his mind to do such business but not dare to do so.
                As gold found in soil but not every ware you dig. If you study the geographical situation and dug to specific area it will increase the chances of finding god. The same thing happens in our life also, each step in right direction bring you towards success of the summit, otherwise only forereach the distance.
                By his horoscope analysis he got the war of success.

For Any astrological query and guidance contact
Dr. Abhay Agaste
+91 9922445272  or  Send query on  abhayagaste@gmail.com

मंगळवार, ११ ऑगस्ट, २०१५

Jyotish-Vaastu: Hernia And Astrology

Jyotish-Vaastu: Hernia And Astrology:                                                   हार्निया              मनुष्य  शरीराचे काही भाग हे आतून पोकळ असलेल्या भागात आसतात. त्य...

Hernia And Astrology

                                                  हार्निया

             मनुष्य  शरीराचे काही भाग हे आतून पोकळ असलेल्या भागात आसतात. त्या पोकळ स्थानांना शरीर नलिका  असे संबोधले जाते. ह्या नलिका आतड्याच्या आवरणाने झाकलेल्या असतात. कधी कधी हे आतडे फाटून त्यातून अंगाचा काही भाग बाहेर येतो. अश्या प्रकारच्या त्रासाला हार्निया म्हणजेच अंतर्गळ असे म्हणतात. आतडे  फाटल्या मुळे आतड्याचा आतील भाग बाहेर येतो व या बाहेर आलेल्या भागा मुळे त्वचेवर एक प्रकारचा फुगवटा दिसतो. जेथे हार्निया झाला आहे असा शरीराचा भाग काहीसा उतरल्या सारखा वाटतो. बाहेर आलेला हा भाग बोटाने दाबले असता आत मध्ये दाबला जातो व सोडताच फुग्या प्रमाणे परत बाहेर येतो.
       हार्निया चे अनेक प्रकार आहेत, परंतु सामान्यतः हार्निया म्हटले कि त्याचा संबंध हा उदर हार्नियाशी असतो. हार्नियाचे जेथे होतो त्या स्थानानुसार वर्गीकरण केले जाते, ते असे … 

        कटीप्रदेश हार्निया 
        योनीमार्ग हार्निया 
        नितंब हार्निया 
        उदर हार्निया 
        नाभी  हार्निया 
        ओटी पोटाचा हार्निया 
        वक्ष हार्निया 

         या व्यतिरिक्त फ़ुफ़्पुस, मस्तिष्क इ. ठिकाणी सुद्धा हार्निया होऊ शकतो. हार्नियाचा त्रास हा जन्मतः  असतो किंवा अंग मेहनतीचे काम, अति वजन उचलणे, अपघात इत्यादी कारणामुळे होऊ शकतो
       सुरवातीस उलटी, मळमळ जाणवते, ओटीपोटात काळ मारून येते, अंतर्गत रक्तस्त्राव होतो. विष्ठेतून रक्त पडते किंवा रक्त मिश्रित विष्ठा होते.  वजन उचलतांना, व्यायाम करतांना त्रास होणे इत्यादी लक्षणे दिसून येतात. 
           ज्योतिष शास्त्र दृष्टीने विचार करता शनि, मंगळ, शुक्र, गुरु  ह्या ग्रहांन  बरोबर कन्या व वृश्चिक या राशींचा विचार करावा लागतो. या मधे शनि वृश्चिक किंवा कन्या राशीत असणे व लग्न स्थानाशी कोणत्याही प्रकारे संबधित असणे. वृश्चिक राशीतील शुक्र हा लग्नातील शनि ने दृष्ट असणे. तसेच चंद्र वृश्चिक असणे  किंवा वृषभ राशीत राशीत शनि, मंगळ, राहू, चंद्र, रवि ह्या पैकी कोणतेही ग्रह असतील तर वृषभ राशीच्या समोरील राशी म्हणजे वृश्चिक राशीवर परिणाम होऊन हार्निया होऊ शकतो. 
            ग्रह कारकत्वा नुसार गुरु हा मेद, वाढ, सूज, फुगणे इत्यादी चा कारक आहे तर शनि ह्या ग्रहाचा नैसर्गिक गुणधर्म रुक्ष आहे. कोणत्याही अवयवाला कठीणता आणणे, शारीरिक क्रियेत अडथळा आणणे हा आहे. शनि हा मास पेशींचा कारक सुद्धा आहे. शरीराच्या एखादा अवयवाला पीळ पडणे, राठ होणे हे शनीचे काम आहे. तसेच शनि  हा अति विलंबी व शरीरात घर करून बसलेल्या रोगांचा सुद्धा  कारक आहे.
             हार्नियाचा त्रास कोणत्याही औषधांनी बारा होत नाही, तेथे शस्त्रक्रिया हि करावीच लागते.  कारण मंगळाशी संबधित आजार हे तीव्र परिणामाचे अत्यंत दाहजन्य असतात. मंगळ दाह व शस्त्रक्रिया दर्शवतो.
            शुक्र हा ग्रह शरीरातील ग्रंथीची विकृत वाढ, ठराविक भागावर सुज येणे, गाठी होणे हे दर्शवतो. 
           कन्या राशी हि लहान आतड्यास चिटकलेली त्वचा, उदरात वेष्टन, पोटदुखी, आतड्यांचे विकार व आतड्यानमध्ये वेदना, आंत्रवष्टन दाह, जठरातर्गत धमन्या, यकृतातील शिरा, नाभिकमालातील शिरा आणि पक्काशायातील शिरा दर्शवते
              वृश्चिक राशी ही त्रास, वेदना, शस्त्रक्रिया, लहान आतड्यातील धमन्या,  पक्काशायातील खालच्या भागातील धमन्या, पोटशुलोत्पादक शिरा दर्शवते
पुरुष जातक 
जन्म तारीख -०६ /११/१९७९
जन्म वेळ - पहाटे ०३ . ५२.००
जन्म ठिकाण  - नाशिक 

पारंपारिक कुंडली प्रमाणे विस्लेषण 

        लग्न कुंडलीत 
कन्या राशी लग्नी असून त्यात शनि आहे. 
वृश्चिक राशीत शुक्र असून त्यावर शनीची दृष्टी आहे. 
अष्टम स्थानात मंगळाची मेष राशी असून त्याचा स्वामी मंगळ हा कर्क राशीत निचीचा आहे. 
वृषभ राशीत चंद्र असून तो वृश्चीकेतील शुक्राने दृष्ट आहे. 
षष्ट स्थानात शनिच्या राशीत केतु आहे
व्यय स्थानात राहू गुरु एकत्र असून गुरूची  सप्तम दृष्टी  षष्ट स्थानावर व नवम दृष्टी अष्टम स्थानावर आहे. 

नवमांश कुंडलीत 
षष्ट स्थानात कन्या हि राशी असून तेथे नीचेचा  शुक्र आहे. 
अष्टमेश मंगळ व्यय स्थानात व त्याची षष्टावर पूर्ण दृष्टी 

कृष्णमुर्ती पद्धती प्रमाणे 
           के पी प्रमाणे हार्निया साठी षष्ट भावाचा उप नक्षत्र स्वामी, शनि, मंगळ, शुक्र, वृश्चिक किंवा कन्या राशी, अष्टम किंवा व्यय भाव ह्यांचा एकमेकांशी असलेला संबंध विचारात घ्यावा. 
         ह्या कुंडलीत षष्ट स्थानचा उप नक्षत्र स्वामी शनि आहे. शनि हा कन्या राशीत असून तो व्याय स्थानात आहे, तर त्याच्या मकर व कुंभ ह्या राशी अनुक्रमे पंचम व षष्ट भावारंभी आहे. शनीचा नक्षत्र स्वामी रवि हा द्वितीय भावात आहे तर त्याची सिंह राशी व्यय भावारंभी आहे.  शनि आस लिहत येईल -
           शनि - १२   ५,६         शनिचा नक्षत्र स्वामी रवि - २  १२
येथे षष्ट स्थानाच्या उप नक्षत्र स्वामीचा हार्निया दर्शक शनि व कन्या राशी चा संबंध येत आहे तर आजार दर्शक १२ व ६ ह्या भावांचा संबंध आलेला आहे . 
ज्या वेळेस त्रास होऊ लागला व आजार लक्षात आला त्या वेळी राहू महादशा व बुध अंतर्दशा चालू होती. आता राहूचे कार्यशत्व पाहू या 
             राहू हा व्यय भावात आहे. राहूवर कोणत्याही ग्रहाची दृष्टी नाही. राहू हा गुरु ग्रहाच्या युतीत आहे. गुरूची धनु राशी चतुर्थ भावारंभी तर मीन राशी हि सप्तम भावारंभी आहे. राहूचा राशी स्वामी रवि हा द्वितीयात आहे व त्याची सिंह राशी व्यय भावारंभी आहे. राहूचा नक्षत्र स्वामी केतू हा षष्ट भावात आहे. केतूवर गुरूची दृष्टी आहे. केतूचा राशी स्वामी शनि आहे. केतूचा नक्षत्र स्वामी राहूच आहे. तसेच राहूचा उप नक्षत्र स्वामी शनि आहे.  आता महादशा स्वामी राहूचे कार्यशत्व पुढील प्रमाणे लिहावे लागेल 

राहू -      १२                           राहूचा नक्षत्र स्वामी केतू  -    ६            राहूचा उप नक्षत्र स्वामी शनि - १२  ५,६
दृष्टी नाही                                         केतूवर दृष्टी  गुरु  - १२  ४,७
युती गुरु - १२                                   युती नाही
राशी स्वामी रवि - २, १२                  राशी स्वामी  शनि - १२  ५,६
         
            अंतर्दशा स्वामी बुध हा वृश्चिक राशीत तृतीय स्थानात आहे तर बुधाची कन्या राशी लग्न भावारंभी तर मिथुन दशम भावारंभी आहे. बुधाचा नक्षत्र स्वामी शनि आहे तर उप नक्षत्र स्वामी चंद्र आहे. चंद्र हा नवम भावात वृषभ राशीत तर त्याची कर्क राशी एकादश भावारंभी आहे. 
बुध  - ३  १,६                  बुधाचा नक्षत्र स्वामी शनि - १२  ५,६                    उप नक्षत्र स्वामी चंद्र - ९,११

अश्या प्रकारे महादशा व अंतर्दशा ह्या हर्निया आजार दर्शवतात

डॉ अभय अगस्ते 
Jyotish - Vastu Science Institute & Research Center



 

शुक्रवार, १४ नोव्हेंबर, २०१४